Fediverse explained
gute Erklärung für Laien: https://jointhefediverse.net
Han sowieso mal müese knapp uufschriibe, was s Fediverse isch, han scho meh Lüt devo verzellt, isch es Mü komplizierter als die zentral gstüürete Plattforme.
--
Mastodon Ressource: https://fedi.tips/
in-depth Blogartikel: https://www.kuketz-blog.de/unplugbigtech-das-fediverse-als-alternative-zu-x-instagram-und-facebook-teil-7/
--
Vorgefertigte Chat-Nachricht, uf Schwiizerdütsch
Es alts aber guets Video übers Fediverse: https://www.youtube.com/watch?v=S57uhCQBEk0
Je nach dem, welli Social Media Plattforme du gern nutzisch, machts Sinn, emene bestimmte Dienst biiztrette:
https://jointhefediverse.net/join/?lang=en-us
Ich zum Biispiel han ich gern Reddit gnutzt und drum hanni uf Lemmy welle. Defür hanni mir e Instanz (Server) gsuecht und miich dötte registriert.
Jetzt hanni en Account uf dere Instanz, chann poste und lese was Lüt uf minnere Instanz oder au uf andere Instanze schriibed.
Interagiere tueni (im Browser oder) mit ennere Lemmy App, wo sich mit minnere Instanz verbindet (Apps gitts immer au verschiedeni, will ja alles offe isch). Ufem App chönnti au Posts vo Piefed und Mastodon Benutzer abonniere (denn erschiined ihri "Tweets" als Posts in minnere Lemmy App).
Konkret für miich also:
De Verein https://fediverse.foundation hett Server, dötte lauft e Instanz vo Lemmy uf de URL feddit.org. Ich han dötte en Account, wo ich mit de App Summit nutze.
De Verein hett übrigens au no e Instanz vo Pixelfed (Instagram-Alternative), uf de URL instapix.org. Ich han s Profil "freeman". Also: https://instapix.org/freeman oder als Fedi-Link: @freeman@instapix.org
Ich nutz dadfür d App Pixelix.
Hoffe das gitt en guete Iiblick und vlt Sprungbrett ins offene, dezentrale und fründlichere Social Media!